LaLigako kluben akademiek Donosti Cup 2025ean parte hartuko dutela berretsi dute
Reala, FC Bartzelona edo Real Madril ordezkatuta egongo dira Donosti Cup 2025 txapelketan euren atzerriko akademietako taldeekin
LaLigako kluben hedapen- eta nazioartekotze-prozesua Donosti Cup-en hazkundean ere laguntzen ari da. Izan ere, edizio bakoitzean, LaLigako klub horietako nazioarteko akademietako talde gehiagok parte hartzen dute txapelketan.
2025ean, adibidez, Realak Japonian, Ghanan eta AEBn dituen akademietako 10 talde inguru izena emateko asmoa du. FC Bartzelonak gauza bera egingo du Mexiko, AEB eta Nigeriako bere akademietako taldeekin. Eta Real Madril ere Donosti Cupen izango da, Japoniako akademietako taldeekin.
Talde horiek Donosti Cup txapelketa jolastu aurretik, stageak egiten dituzte; besteak beste, entrenamendu-saioak, estadioetara bisitak eta beste esperientzia batzuk, egunen batean ordezkatu nahi dituzten klubekin dituzten lotura afektiboak sendotzeko.
Donosti Cup 2025 txapelketan parte hartzeko izen-emateak zabalik jarraitzen du, eta uztailaren 7tik 13ra egingo den txapelketak oinarrizko futboleko ekitaldi global honen ospakizuna galdu nahi ez duten lehen mailako akademien interesa erakartzen jarraitzen du.
