Gaur hasten da Azken Fasea!
Gaur bertan inauguratuko dira kanporaketak, hau da, Champions Leagueko eta Europa Leagueko partidak. Gaur ere lehen finalak jokatuko dira Reale Arenan.
Sanferminen hasierarekin batera, Azken Faseko partidak ere hasiko dira, eta, dakizuenez, bi lehiaketatan banatuko dira: Champions League eta Europa League. Multzo bakoitzeko lehenengo biak Champions Leaguen sartuko dira, eta hirugarren eta laugarrena, aldiz, Europa Leaguera joango dira.
Talde guztiek gutxienez hiru partida izan dituzte multzoen fasean, eta horietan hainbat alderdi taktiko hobetu eta aldatu ahal izan dituzte, partida erabakigarrietara ahalik eta modurik onenean iristeko. Orain bai, partidu txarra izateak maletak jaso eta etxera itzultzea dakar, horregatik inoiz baino garrantzitsuagoa da kontzentrazioa eta burua hotz mantentzea. Talde bakoitzak badaki zein diren bere helburuak, eta orain zelaian hitz egiteko ordua da, eta beti bezala, baloiak aginduko du.
Gainera, edizio honetako berritasun gisa, gaur bertan hasiko dira Champions Leagueko lehen finalak, B25 eta G25 kategoriei dagozkienak (18:00 eta 19:30). Larunbatean eta igandean jokatuko dira gainontzeko finalak, eta horiek erabakiko dute nortzuk izango diren Donosti Cupeko txapeldun berriak.
