Donosti Cup-en aplikazio ofizial berria martxan
Emaitzak , estatistikak, zure taldeen jarraipena eta askoz gehiago, klik bakar batean
Donosti Cup-ek aurrerapauso bat eman du bere digitalizazioan aplikazio ofizial berria martxan jarriz. Android eta iPhone gailuetarako eskuragarri, aplikazioak parte-hartzaileei, familiei eta zaleei aukera emango die txapelketa modu erosoago eta pertsonalizatuago batean jarraitzeko.
Cup Manager enpresa espezializatuak garatua, aplikazioa erabiltzailearentzako esperientzia azkar eta erabilerraza eskaintzeko diseinatu da. Bertan, emaitzak eta sailkapenak denbora errealean kontsultatu ahal izango dira, partidaren estatistikak ikusi, partidak IA bidez sortutako narrazioarekin zuzenean jarraitu, eta gogoko taldeak hautatu haien jarraipena errazago egiteko.
Gainera, aplikazioak jakinarazpenak bidaltzen ditu informazio garrantzitsuarekin, zelaietako helbideak erakusten ditu, finaleko faseko balizko gurutzaketak ikusteko aukera ematen du eta izena emandako talde guztiak erraz kontsultatzeko aukera eskaintzen du. Ez da erregistratu edo saioa hasi behar, eta horrek erabilera are errazagoa egiten du.
Ordenagailutik nahiago dutenentzat, web bertsioa ere erabilgarri egongo da, funtzionalitate berdinekin.
Tresna berri honekin, Donosti Cup-ek txapelketa bizitzeko modu modernoagoa, dinamikoagoa eta konektatuagoa eskaintzen du. Aplikazioa doan deskargatu daiteke jada Google Play-n eta App Store-n.
