Dani Rodríguezek FC Barcelonako lehen taldearekin egin du debuta
2018ko Donosti Cup-eko azpitxapelduna izan zen euskal hegalekoak bere ametsa bete du LaLigan
Donosti Cup-eko familiak harrotasunerako beste arrazoi bat du. Dani Rodríguez, Antiguoko KEko jokalari ohia eta torneoko edizio askotan parte hartu duena, pasa den larunbatean egin zuen debuta FC Barcelonako lehen taldearekin, Real Valladolid-en aurka jokatutako LaLigako partidan, José Zorrilla estadioan.
19 urterekin, euskal hegalekoa Hansi Flick entrenatzailearen lehen hamaikakoan ezusteko handietako bat izan zen. Bi hegaletan zein zelai erdian jokatzeko gaitasuna du, eta konfiantzaz jokatu zuen zelaira irten zen minututan, sentsazio onak utziz. Tamalez, sorbaldako lesio baten ondorioz ordezkatua izan behar izan zen, baina debuta bere ibilbide oparorako mugarri garrantzitsua da.
Dani Rodríguezek hainbat Donosti Cup ediziotan parte hartu zuen, eta 2018an Antiguoko KEko jokalari nabarmenenetakoa izan zen, mutilen sub-14 finalera iritsi baitziren, PA Team-en aurka galdu zuten arren. Hurrengo urtean Real Sociedad-en harrobira igaro zen, eta 2020-21 denboralditik aurrera FC Barcelonako kide da; bertan Juvenil B, Juvenil A eta Barça Atlètic taldeetatik igaro ondoren, lehen taldearekin lehen deialdi ofiziala jaso du.
Donosti Cup-etik gure zorionik beroenak helarazi nahi dizkiogu Dani eta bere inguruko guztiei lorpen garrantzitsu honengatik. Ziur gaude debut hau arrakastaz betetako ibilbide baten hasiera baino ez dela.
