Donosti Cup 2026ko Inaugurazio Ekitaldirako sarreren salmenta hasi da
Online salmenta 12:00etatik aurrera, eta plazak mugatuak izango dira txapelketako unerik garrantzitsuenetako baterako.
Gaur 12:00etan hasiko da Donosti Cup 2026ko Inaugurazio Ekitaldirako sarreren salmenta. Txapelketako une enblematikoenetako bat da, eta aurten Donostia Arenan (Illunbe) egingo da, Anoeta estadioaren handitze-lanak direla eta.
Inaugurazio Ekitaldiak ordubete inguruko ikuskizuna eskainiko du berriro ere. Bertan, ordezkaritzen desfile tradizionala, dantza emanaldiak, zuzeneko musika eta argi eta soinu ikuskizun zaindua uztartuko dira. Gainera, oso ezaguna den tokiko artista baten eta estatu mailako musika talde baten zuzeneko emanaldiak izango dira. Haien izenak datozen egunetan ezagutaraziko dira.
Aurtengo edizioan bi saio izango dira, bakoitza bere sarrera propioarekin. Garrantzitsua da kontuan hartzea sarrera bakoitza erosketa egitean aukeratutako saiorako bakarrik izango dela baliozkoa, eta ez dela posible izango beste saiora sartzea. Klubek dagoeneko jaso dute beren taldeei esleitutako saioaren informazioa; horregatik, sarrerak erosi aurretik zuen klubarekin kontsultatzea gomendatzen dugu.
- 1.saioa: 18:30 – Erosketa esteka
- 2.saioa: 21:30 – Erosketa esteka
Edukiera mugatua duen gunea denez, plazak ere mugatuak izango dira. Horregatik, ez da gomendatzen azken uneraino itxarotea. Sarrerak ez dira zenbakituak izango.
Salmenta online bakarrik egingo da Donosti Cup-en webgune ofizialaren bidez, 10:00etatik aurrera.
Ohikoa den bezala, antolakuntzaren bidez ostatua erreserbatu duten jokalariek, entrenatzaileek eta laguntzaileek doako sarbidea izango dute inaugurazio ekitaldira, identifikazio eskumuturrekoa aurkeztuta.
Ez geratu Donosti Cup 2026ko Inaugurazio Ekitaldirako zure sarrerarik gabe.
