Horrela bizi izan da Authentics Eguna
Txapelketako 10 taldeek gozatu dute gaurko Authentics Egunean
Beste behin, emozioz eta kirolaz beteriko egun aparta bizi izan da Miniestadioanda: jokalari, familia eta bildutako ikusle guztientzat momentu ahaztezinak utzi ditu.
Finalak kutsu katalana izan du, Set11 eta estreinakoz parte hartu duen CD Torre Baró taldearen artekoa izan baita. Finalera iristea sari borobila izan da Torre Baróko gazteentzat. Bartzelonako auzoko proiektu soziala da taldea, eta bertako gazteei aukera berriak ematea du helburu. Parte hartzea bera harrotasun iturri izan da: "Halako txapelketa batean egoteak gure ilusioa indartzen du," adierazi du entrenatzaileak.
Zaleen arteko saria oso parekatua egon da. Gipuzkoar taldeek giroa sortu dute euren banderekin eta oihuekin, baina Los Gladiadores izan dira protagonista, energiaz eta pasioz gainezka. Dagoeneko bost edizio daramatzate Donosti Authetics Cup jokatzen eta ez dute inoiz huts egin. "Esperientzia paregabea izaten ari da. Oso eskertuta gaude txapelketarekin eta kirolaren bidez inklusioa bultzatzeko egiten duten lanarekin," esan du Obed Aguilar entrenatzaileak.
Txapelketako zuzendariak, Iñigo Olaizolak, talde guztiei saria banatu dizkie, haien ilusioa eta konpromisoa eskertuz: Donosti Cuprentzat plazerra da halako balio eta grina duten taldeak hartzea.
Elkar ikusiko dugu Authentics Cup-eko 6. edizioan!
