Benficak 2021 Donosti Cup-ean bi talderekin parte hartuko duela baieztatu du!
Luxuzko palmaresa duen talde portugaldarrak hirugarren aldiz hartuko du parte Donosti Cup-en.
Benficak Donosti Cup txapelketan parte hartu zuen lehen aldia 1994ean izan zen, sortu berri zen emakumezkoen kategorian talde batekin parte hartuz. Hurrengo parte-hartzeak 25 urte beranduago izan ziren B12 eta G16 taldeekin bisita egin zigunean, 2019ko Donosti Cup txapelketaren azken edizioan.
Aste honetan albiste bikaina eman digu 2021 Donosti Cup txapelketan parte hartuko duela baieztatzean, bi talderekin: mutileena (B13) eta neskeena (G16).
Azken edizioan txapelketa bikaina egin zuten eta joko maila handia erakutsi zuten, finalera iristea lortu ez zuten arren. Datorren udan, txapelketaren maila hobeto ezagututa, berriro saiatuko dira eta ziur aski titulurako hautagai sendoak izango dira.
Gogoan izan behar da Benfica futbol taldea mundu osoko bazkide gehien dituen klubetako bat dela, 200.000 baino gehiago, Bartzelonak jarrraituz 180.000 bazkideekin. Une honetan hirugarren doa Portugalgo ligan Sporting CP eta Fc Portoren atzetik.
Antolakuntzatik eskerrak eman nahi dizkizuegu berriro ere gure txapelketa aukeratzeagatik eta ongi etorri bero bat ematen dizuegu 2021 Donosti Cup-era.
