Gipuzkoako benjaminek txapelketan parte hartu ahal izango dute, Aldundiak ezartzen duen eskualde eremuaren barruan
Adin honetako talde gipuzkoarrek euren eskualdeetan eta eskualde bereko taldeekin jokatu beharko dute
Azkenik, Gipuzkoako benjaminek Donosti Cup txapelketan parte hartu ahal izango dute, baina Gipuzkoako Foru Aldundiak ezartzen dituen eremu geografikoen barruan. Horrela, kategoria hauetako multzoak talde gipuzkoarrek osatuko dituzte, eta euren partidak eskualde mailan jokatuko dituzte.
Mutilen kategoria bat eta nesken kategoria bat - B10 eta G10 - egongo dira, eta 2014ko eta 2015eko neska-mutilek parte hartu ahal izango dute. Eskualde bakoitzean 8 talde inskribatu beharko dira, talde bakoitzak gutxienez 4 partida joka ditzan. 8 taldetara iristen ez bada, B10 eta G10 kategoriak batzeko aukera aztertuko da, baita gertuen dagoen eskualdeko taldeekin taldea osatzekoa ere.
Antolakuntzatik saiatu gara formatu tradizionalari eusten hainbat nazionalitatetako taldeek osatutako taldeekin, baina ezinezkoa denez, gutxienez Gipuzkoako benjaminek txapelketan arau hauekin parte hartzeko aukera izan dezaten nahi dugu, eta, hori bai, Donosti Cupeko gainerako jarduerez eta aste horretan Gipuzkoan sortzen den giro bereziaz gozatzeko aukera eskaini.
Kategoria honekin zerikusia duen edozein argibide emateko, zuen esanetara gaude etxekoak@donosticup.com helbidean.
