Haruto Morita, Donosti Cup 2023ko golegile berria
16 golekin, historia egin zuen japoniarrak, txapelketako golegileen taulako lehen liderra izan baitzen
Haruto Morita 16 urteko gazte japoniarra, gaur egun, Donostian bizi da Haruto, eta bertan, prestakuntza akademikoa eta futbolarekiko grina uztartzen ditu. Wakatakeko U15 taldeak, Moritaren gidaritzapean, jardun bikaina izan zuen txapelketan, taldeen faseko partidu guztiak irabazi eta finalerdietara iritsiz. Finalaren atarian erori ziren arren Reale Arenan Antiguoko handi baten aurka, Harutoren emanaldia ez zen oharkabean pasa. Partidako 2,29 goleko ratio harrigarriarekin, guztira 16 gol sartu zituen 7 partidatan. Zelaian duen trebetasunak eta sarea aurkitzeko duen gaitasunak futbolaren promesa bihurtzen dute.
Zorionak, Haruto, Donosti Cup 2023an egindako lanagatik. Nola sentitzen zara txapelketako golegilerik onena izanda?
Duela bi urte txapelketako bigarren golegile nagusia izan nintzen, eta aurreko edizioan bosgarren postuan amaitu nuen, beraz, aurten lehena izateko gogo handia nuen. Eta azkenean lortu dut, baina ez bakarrik nire lanagatik, baizik eta talde osoaren lanagatik. Oso pozik negoen Wakatakeko kide izateagatik, eta aurrelari bezala, golegilerik onena izatea poztasunik handiena da niretzat.
Zure ustez, zein izan zen zure taldearen errendimendu bikainerako gakoa?
Arrakastaren gakoaren zati handi bat denboraldi honetan Espainian bizi dugun prestakuntza-garapenari esker da, Espainiako futboleko harrobi onenetan egunero ikasteko eta entrenatzeko aukera baitugu. Donosti Cup denboraldiaren amaieran jokaleku ezin hobea da Espainian murgildutako gure esperientzietan denboraldian zehar hobetu dugun guztia zelaian erakusteko.
Zelaiko arrakastaz gain, nola lortzen duzu zure ikasketak futbolarekin uztartzea?
Badakit nire ametsa futbolaren munduan betetzeko oso garrantzitsua dela ikasketekin betetzea. Horregatik, eskola eta entrenamenduen artean dudan denbora ahalik eta gehien aprobetxatzen saiatzen naiz ikasteko, eta asteburuetan antolatu egiten naiz, ikasteko denbora bat izateko eta nire gaztelera hobetzeko.
Ba al duzu zure futbol-ibilbidean inspiratzen zaituen jokalaririk edo talderik?
Asko gustatzen zait Mbappe, jokalari gisa dituen ezaugarriengatik, abiadura, teknika eta indar handia dituelako, baina, batez ere, gol asko sartzen dituelako. Taldeei dagokienez, erasorako gaitasun handia duten taldeak gustatzen zaizkit, bai LaLigako taldeak Espainian, bai Manchester City Ingalaterran.
Zeintzuk dira zure etorkizuneko helburuak?
Nire ametsa Txapeldunen Ligako golegile nagusia izatea da.
