Newcastle United FCko talde inklusiboak Donosti Authentics Cup txapelketan parte hartuko du berriro!
Talde ingelesak txapelketan izango duen bigarren parte-hartzea izango da.
Newcastle United FC taldeak Donosti Authentics Cup txapelketaren hurrengo edizioan parte hartuko du. Talde ingelesak bat egingo du uztailean Donostian bilduko diren nazioarteko taldeen zerrendarekin, inklusioa eta aniztasunarekiko errespetua sustatzen dituen txapelketa hau jokatzeko.
Newcastle United FCk, Premier Leagueko klub esanguratsuenetako batek, inklusioaren eta aukera-berdintasunaren aldeko konpromisoa agertu du Newcastle United Fundaziotik egindako hainbat programaren bidez. Britainiar taldeko jokalariek nazioarteko beste talde batzuen aurka jokatzeko aukera izango dute Donosti Authentics Cup txapelketan.
Donosti Authentics Cup 2019tik egiten da, eta DI duten pertsonek osatutako taldeei zuzendutako txapelketa inklusiboa da. Torneoak inklusioa eta aniztasunarekiko errespetua sustatu nahi ditu, Donosti Cup-ek, munduko oinarrizko futboleko txapelketa garrantzitsuenetako batek, sustatzen dituen balioen ildotik. Ekimen honen bidez, kirolak gizartean balio positiboak sustatzeko tresna gisa duen garrantzia azpimarratu nahi da.
