Irekiera Ekitaldia

Anoetako Estadioaren handitze-lanak direla eta, aurten salbuespen gisa, Inaugurazio Ekitaldia "Amenabar Arena" (Illunbe) pabiloian egingo da. Pabiloia txapelketako Fan Zonetik oinez 10 minutu baino gutxiagora dago.

10.000 lagun hartzeko edukiera duenez, aurten inaugurazioa bi saiotan egingo da: 18:30ean eta 21:30ean. Klub bakoitzari zein saiotarako hautatua izan den komunikatu zaio. 

Ekitaldiaren une nagusia parte hartzen duten ordezkaritza guztien desfilea izango da. Lehenik atzerriko klubak desfilatuko dira, ondoren estatuko klubak, eta amaieran tokiko klubak.

Parte hartzen duten klub guztiak gonbidatuta daude inaugurazio-desfilean parte hartzera. Klub bakoitzeko talde batek desfilatu ahal izango du, eta talde hori ekainaren 20a baino lehen inskribatu beharko da "My Team Info" atalean. Data horretarako kluben batek ez badu bere ordezkari izango den taldea inskribatzen, ulertuko da ezingo duela inaugurazio-desfilean parte hartu. Aurten, espazio-arrazoiak direla medio, ez da posible izango hainbat taldetako jokalariak batera desfilatzea.

Galaren barruan zuzeneko musika-emanaldiak, koreografiak eta argi eta soinu ikuskizuna izango dira, eta horrek egun hori esperientzia ahaztezina bihurtuko du jokalari, entrenatzaile eta ikusle guztientzat.

Sarrerak

Jokalari eta entrenatzaileak doan sartu ahal izango dira euren akreditazioekin: PLAYER eta COACH.

Prezioak:

• Orokorra (13 urtetik gorakoak): 12€ + kudeaketa gastuak
• Haurrak (4–12 urte): 6€ + kudeaketa gastuak
• 3 urtetik beherakoak: doako sarrera

Sarreren erosketan edozein gorabehera izanez gero, idatzi tecnico@qr4events.com helbidera.

• 1.saioa: 18:30 – Erosketa esteka
• 2.saioa: 21:30 – Erosketa esteka