Donosti Cup taldea streaming bidez 200 partida baino gehiago emititu ahal izateko lanean ari da
Erakundea hainbat enpresekin harremanetan dago Donosti Cup 2021-eko partida asko zuzenean emititu ahal izateko
Donosti Cup-etik beti saiatu gara txapelketaren kalitatea hobetuko duten aurrerapen teknologiko guztiak txertatzen, eta hurrengo urratsa hurrengo edizioan zuzeneko partida asko emititzea da.
Duela 10 urte baino gehiago, online emaitzak sartu genituen web orriaren bitartez, eta duela lau urte, hain harrera ona izan duen Donosti Cup-eko app-a estreinatu genuen. App honen bidez partidak zuzenean jarrai daitezke, emaitzak denbora errealean eguneratzen baitira. Halaber, aplikazioak aukera ematen du lerrokatzeak, emaitzak, sailkapenak, golegile nagusiak eta abar denbora errealean ikustea.
2021ean beste urrats bat eman nahi dugu txapelketaren kalitatea hobetzeko, 200 partida baino gehiago zuzenean emitituz. Horretarako, hainbat enpresekin harremanetan gaude, emanaldi horiek gauzatzeko irtenbide desberdinak eskaintzen baitituzte. Enpresa horietako batzuk kamera adimendunak erabiltzen dituzte eta beste batzuk sistema tradizionalagoak aldiz. Datozen hilabeteetan proposamenak ondo aztertzen amaituko dugu eta hurrengo ediziorako zuzeneko emanaldi plan berria aurkeztuko dugu.
Horrela, Donostiara joaterik ez duten senide eta jarraitzaileek, eta, oro har, oinarrizko futbolzaleek partida ugari ikusi ahal izango dituzte zuzenean gure telebista katearen bitartez.
