Gaur Donosti Cup-eko lehen finalak jokatuko dira!
Gaurko egunean zehar jokatuko dira txapelketako lehen sei finalak Reale Arenan
Gaur jokatuko dira Donosti Cup-eko Champions League-eko lehen finalak, Reale Arenara itzuliko diren finalak bezala gogoratuko direnak. Izan ere, Reale Arena izango da 11 futboleko kategoria hauetako lehen finalak hartuko dituen egoitza,: G25, B25, G14, G17, G19 eta B15.
Sarrera doakoa da eta sarrera tribuna nagusiko 1. eta 20. ateetatik izango da. Finalera iritsi diren jokalariek partida baino ordubete lehenago egon beharko dute 2 bis atean.
Lehen finaleko sari banaketa egin ondoren, 13: 00etan, Mohamed-Ali Cho Realeko jokalari berriaren aurkezpena egingo da. Gainera, arratsaldean, Nerea Eizagirre G14 mailako sarietara joango da.
Ostirala 8ko finalen ordutegia:
- 11:30 Champions League Finala G25
- 13:30 Champions League Finala B25
- 16:00 Champions League Finala G14
- 17:15 Champions League Finala G17
- 18:30 Champions League Finala G19
- 19:45 Champions League Finala B15
Finalak Streaming bidez emango dira gure Youtubeko kanalean.
