Donosti Cup 2026k ofizialki ireki ditu izen-emateak
Klubek dagoeneko egin dezakete aurreinskripzioa txapelketaren webgune ofizialean.
Donosti Cup 2026 abian da. Astearte honetatik aurrera, irailak 16, interesa duten klubek 34. Nazioarteko Oinarrizko Futbol Txapelketan izena eman dezakete, webgune ofizialean dagoen aurreinskripzio formularioa betez.
Prozesua erraza da: behin formularioa bidalita, antolakuntzak eskaera balioztatuko du eta baieztapen mezu bat bidaliko du. Une horretatik aurrera, taldeek 10 egun izango dituzte lehen ordainketa egiteko, ezarritako baldintzen arabera.
Aurreko edizioan, 2025ean, Donosti Cup-ek 30 herrialdetako 900 talde bildu zituen. 2026ko edizioak 9 kategoria izango ditu gizonezkoetan eta 5 emakumezkoetan, eta hainbat berrikuntza sartuko ditu: B9, B10 eta G10 kategoriak Gipuzkoatik kanpoko taldeetara irekiko da, ikuspegi ludikoago eta hezitzaileagoarekin, eta B19 eta G19 kategoriak B18 eta G18 izatera pasako dira, taldeen errealitatera hobeto egokitzeko.
Berrikuntza horiekin eta nazioartean duen erakargarritasunarekin, mundu osoko milaka futbolari gazterentzat ezinbesteko hitzordu gisa aurkezten da Donosti Cup 2026.
