Donosti Cup 2026ko multzoak eskuragarri daude jada!
Parte hartuko duten 912 taldeek jada ezagutzen dituzte euren aurkariak multzoen zozketa ofizialaren ondoren.
Donosti Cup 2026ko multzoak argitaratuta daude eta gure webgunean eta aplikazioan ikus daitezke. Zozketa ofizialaren ondoren, 31 herrialdetatik etorritako 912 taldeek jada ezagutzen dituzte txapelketako hasierako fasean izango dituzten aurkariak.
Zozketa hiru ontzitan banatu da: lehenengo ontzia nazioarteko taldeentzat, bigarrena estatuko taldeentzat eta hirugarrena tokiko taldeentzat. Helburua multzoen osaera orekatzea eta kirol zein kultura aniztasuna sustatzea izan da. Multzo bakoitza 4 edo 5 taldek osatzen dute, eta kasu gehienetan nazioarteko talde bat gutxienez egotea bermatu da.
Zenbait kategoriatan (B14, B15, B16, B18 eta G16), ikastetxeetako taldeak elkarren artean multzokatu dira hasierako fasean, lehia-berdintasun handiagoa bermatzeko.
Multzoen fasean, talde bakoitzak gutxienez 3 edo 4 partida jokatuko ditu, bere multzoko taldeen kopuruaren arabera. Fase hau amaitzean, lehiaketak bi bide izango ditu: A Playoffa (Champions League): lehen eta bigarren sailkatuak; eta B Playoffa (Europa League): hirugarren eta laugarren sailkatuak.
Multzoak jada kontsulta daitezke Donosti Cupeko webgune ofizialean, baita iOS eta Android sistemetarako eskuragarri dagoen txapelketaren aplikazioan ere. Kanal horien bidez txapelketaren informazio eguneratu guztia jarraitu ahal izango duzue: partidak, emaitzak, sailkapenak eta ordutegiak, datozen egunetan pixkanaka argitaratuko direnak.
Datorren astean multzoen faseko egutegi ofiziala argitaratuko da, partida guztien banaketa zehatzarekin, eta hurrengo astean azken faseko egutegia.
Donosti Cup hasi baino hilabete baino gutxiago falta denean, mundu osoko milaka jokalari eta talde Donostian bilduko dituen edizio berri baterako atzera kontaketa hasi da.
Motxila, botak… eta ilusioa prestatzen hasteko unea da.
