EBRO s800, 2025 Donosti Cup-eko auto ofiziala
Carza Gipuzkoa Taldeak bere lankidetza berritu du hirugarren urtez jarraian eta EBRO aurkeztu du txapelketako mugikortasun marka ofizial berri gisa
2024an Omoda 5 eta 2023an Peugeot 408 autoen ondoren, aurten Donosti Cupen auto ofiziala EBRO s800 izango da, Espainiako marka historiko baten berpizkundea sinbolizatzen duen fabrikazio nazionaleko SUV bat. Carza Gipuzkoa Taldearekin duen akordioa berritzeari esker, txapelketaren antolakuntzak ibilgailu elektriko eta hibridoen flota bat izango du aste osoan mugikortasun iraunkorra bermatzeko.
EBROk, 2023an Chery talde txinatarrarekin lankidetzan berrabiarazia, Bartzelonako Nissan lantegi zaharrean egiten ditu bere modeloak, tokiko ekoizpenaren eta Espainian enplegua sortzearen aldeko apustua eginez. S800, txapelketaren irudi gisa aukeratutako SUVa, diseinu modernoagatik, teknologiaren aldeko apustuagatik eta gasolina eta hibrido entxufagarriaren motorizazio-aukerengatik nabarmentzen da.
Carza Gipuzkoa Taldeak, aurreko edizioetan Peugeot eta Omodaren ibilgailuak laga zituenak, Donosti Cup-en aldeko apustua egiten jarraitzen du, berrikuntzaren eta automobilgintzaren etorkizunarekiko konpromisoaren erakusleiho gisa. Oiartzunen, Olaberrian eta Eibarren kontzesionarioak ditu, eta Peugeot, Kia, Lancia, Leapmotor, Omoda, Jaecoo edo MG marken sare zabala. Taldeak berriz ere lankidetza aktiboa du txapelketarekin.
antolakuntzak erabiltzeko ibilgailuak.
Irudian, Carlos Arregui, Carza Gipuzkoa Taldeko gerentea, eta Iñigo Olaizola, Donosti Cupeko zuzendaria, aurtengo edizioko akordioa sinatu dute, kirola, jasangarritasuna eta industria nazionala batzen dituena.
