Arrakastaz amaitu da Gaza Donosti Cup 2026!
FIFA Akademia Gaza Donosti Cup 2026ko txapeldun izendatu da finalean Al-Mohtarifeen Akademiari 3-1 irabazita.
Gaza Donosti Cup txapelketak futbola topagune bihurtu du Gazako gazteriarentzat. Gaza Donosti Cup txapelketak 12 taldetan banatutako 120 jokalari bildu ditu, eta helburu sozial argi batekin jaio da: gazteei elkarbizitzarako, normaltasunerako eta itxaropenerako espazio bat eskaintzea kirolaren bidez.
Astebeteko lehiaren ondoren, FIFA Akademiak eta Al-Mohtarifeen Akademiak jokatu zuten final handia, eta, beste ezeren gainetik, Fair Play izan zen protagonista nagusia.
FIFA Akademiak 3-1 irabazi zuen eta lehenengo edizio honetako txapelduna izan zen. Al-Mohtarifeen Akademiak txapelketa bikaina burutu zuen eta erakutsitako maila handiagatik errekonozimendua jaso zuen.
Emozioz beteriko giroan, txapeldunak sarituz eta parte hartu zuten 12 akademiak aintzat hartuz amaitu zen txapelketa.
Talde txapelduna, FIFA Akademia, Donosti Cup-en 35. urteurrenean parte hartzera gonbidatuko dute. Donosti Cup uztailaren 5etik 11ra egingo da Donostian, Espainian, Gazaren izenean.
Amaitu da Gaza Donosti Cup 2026, baina amets berri bat hasi da futbolari esker etorkizunera ilusioz begiratzen duten gazte gazatientzat.
Donosti Cup-etik zorionak eman nahi dizkiogu FIFA Akademiari txapelketa honetako lehen txapelduna izateagatik, eta aldi berean eskerrak eman nahi dizkiogu Champions Club-i, eta bereziki Rajab Al Sarraj-i, egindako ahaleginagatik.
