Ura izan da ediziorik jasangarrieneko protagonista!
Water Point-ak eta berrerabil daitezkeen ur-botilek txapelketaren karbono-aztarna nabarmen murriztea ahalbidetu dute.
Donosti Cup 2026 by Chutapp izan da orain arte egin den ediziorik jasangarriena. Urte hasieran deskarbonizazioari eta jasangarritasunari buruzko azterlan bat egin ondoren, Antolakuntzak hainbat ekimen jarri ditu abian aurtengo edizioan txapelketaren karbono-aztarna murrizteko.
Ekimen aipagarrienen artean daude parte-hartzaile guztiei ur-botila berrerabilgarri bana oparitzea, txapelketako Fan Zonen jarritako bi ur-guneak, auto eta moto elektrikoen erabilera, elikagai-hondakinak bioongarri gisa baliatzea eta txapelketako dendan paperezko poltsak erabiltzea.
Antolakuntzatik eskerrak eman nahi dizkiegu Gipuzkoako Foru Aldundiko Jasangarritasun Departamentuari, Donostiako Udaleko Ingurumen Departamentuari, SEOMi eta FCCri, edizio jasangarriago eta ingurumenarekiko errespetutsuago bat egiten laguntzeagatik.
