Donosti Cup 2025 aurkeztu da!
Errekorrak eta sorpresak txapelketaren 33. edizioko aurkezpen-ekitaldi hunkigarrian
Atzo Orona Fundazioaren Auditorioan ospatu zen Donosti Cup 2025aren aurkezpen ofiziala. 33. edizio hau izango da orain arteko nazioartekoena: 30 herrialdetako 900 talde eta 15.000 parte-hartzaile baino gehiago izango dira bertan.
Ekitaldian hainbat gai jorratu ziren hiru mahai-ingurutan: berdintasuna eta elkartasuna, turismo jasangarria eta kirolaren bidezko inklusioa. Parte-hartzaileen artean zeuden Eneko Goia, Azahara Domínguez, Goizane Álvarez eta Daniel Solana bezalako ordezkari instituzionalak, baita babesleak eta mundu sozial zein kiroleko pertsona ezagunak ere, hala nola Ane Mínguez (Real Sociedad Genuine taldekoa) eta Javier Colomo (Amigos Solidarios GKEko sortzailea). Guztiek bat egin zuten futbolaz haratago doan txapelketa honetan parte hartzeak harrotsaun handia dela.
Ekitaldiko une berezietako bat Donosti Authentics Cup txapelketaren 5. urteurrena ospatzea izan zen, hau da, txapelketaren bertsio inklusiboa. Simón Ezquiaga abeslari donostiarrak “Dibertsitate erlatiboa” abestia eskaini zuen hasieran, eta publikoaren bihotzak ukitu zituen. Aurkezpenean bertan izan ziren Real Sociedad Fundazioa, Atzegi eta Mindarako Authentics Cup taldeetako jokalariak, haiek izan baitziren benetako protagonistak.
Aurkezpenean edizio honetako zifra nagusiak ere eman zituzten: emakumezkoen parte-hartzearen marka berria —200 talde baino gehiago eta 4.000 jokalari—, eta Tanzania, Taiwan eta Dominikar Errepublikaren lehen parte-hartzea. Hauekin, dagoeneko 86 herrialdek hartu dute parte Donosti Cup-en historian.
Kirola, balioak eta elkarbizitza uztartzen dituen txapelketa honen atzerako kontaketa martxan da dagoeneko.
