Apollon Kato Halandriou FC taldeak 2024-ko Donosti Cup-ean bost talderekin egingo du debuta
Hamahiru eta hemeretzi urte bitarteko gizonezkoen bost taldek ordezkatuko dute lehen aldiz talde greziarra Donosti Cup nazioarteko txapelketan.
Apollon Kato Halandriou FC-ak, 1965ean sortua eta Atenasko futbolaren tradizio aberatsean errotua, 2024-ko Donosti Cup-ean parte hartuko duela baieztatu du. Gizonezkoen bost talderekin, B19, B16, B15 eta B14 kategorietan, kluba prest dago bere jokoa euskal lurretara eramateko.
1965ean talde independente gisa hasi zenetik, Apollonek etengabeko presentzia izan du Atenasko EPAko txapelketetan. 2012-13 denboraldian A Mailara igotzea eta 2017-18 denboraldian berriro ere itzultzea, klubaren historian mugarri gisa nabarmentzen dira.
Apollonen filosofia, futbol-eskola gisa, kirolariak ingurune seguru eta atsegin batean entrenatzeko konpromisoan islatzen da, adin-talde bakoitzari egokitutako programak eskainiz. Bere taldean laurehun jokalari baino gehiago izanik, kluba nazioko txapelketetan protagonista izan da eta nazioarteko sariak lortu ditu, beti ere "errespetuaren" eta "joko garbiaren" printzipioak sustatuz.
Donosti Cup-eko debut hau Apollon Kato Halandriouren historian kapitulu berri bat da, futbolarekiko pasioa ez ezik, kirol heziketako hamarkadetan errotutako balioak ere berekin eramanez.
Antolakuntzatik ongietorria egiten diogu Apollon Halandriou-ri Donosti Cup-era, Καλώς ήρθατε!
