Eskatu zure beka Donosti Cup 2026an parte hartzeko
Gipuzkoako 200 jokalarik baino gehiagok eskatu dute jada Rural Kutxari esker txapelketan ia kosturik gabe parte hartzeko aukera ematen duen beka.
Beste urte batez, Donosti Cup-en Babesle Ofizial eta Finantza Erakunde Ofiziala den Rural Kutxak Gipuzkoan erroldatutako jokalarientzako beka-programa sustatuko du. Laguntza honek parte-hartze kuotaren 65€-raino estaltzen du.
Ekimen honen helburua gazteak arrazoi ekonomikoengatik ekitalditik kanpo geratuko ez direla bermatzea da. Aurreko edizioan, Rural Kutxak 70.000 euro baino gehiago bideratu zituen programa horretara, eta Gipuzkoako 1.132 kirolariri eman zien onura; 2024an, 730i, eta 2023an, 548ri.Hazkunde horrek erakusten du entitateak apustu sendoa egin duela lurraldeko gero eta gazte gehiagok kirola egiteko aukera izan dezaten.
Aurten, dagoeneko 200 gaztek baino gehiagok eskatu dute beka, uztailaren 15era arte eska daitekena, jarraian dagoen formularioaren bidez. Eskaera egiteko, Rural Kutxan gazte-kontu bat edukitzea edo irekitzea besterik ez da behar.
Gainera, kirolean balioak eta inpaktu soziala sustatzeko konpromisoaren barruan, joko garbiko rankingean puntuazio onena duen Gipuzkoako klubak sari berezi bat jasoko du. Izan ere, 2.000 euro eman ahal izango dizkio aukeratzen duen GKEari. Ekimen honek kirol-portaera onena aitortzeaz gain, balioak gizarteari egiten dioten benetako ekarpen bihurtzen ditu.
