Reale Seguros-ek Donosti Cup-ekin duen babesletza-akordioa berritu du!

Reale Seguros-ek urte asko daramatza futbol profesionalaren alde egiten, eta iaztik, Donosti Cup taldearen babesle bihurtu zenetik, oinarrizko futbolaren alde ere egiten ari da. Azken urteotan, Espainiako Futbol Ligarekin duen harremana sendotzen joan da, eta, gaur egun, Real Sociedad, Real Betis Balompié, Valentzia, Getafe eta Sevilla FC bezalako klubak babesten ditu. Honez gain, Espainiako Futbol Federazioaren eta Errege Kopako Finala bezalako ekitaldi garrantzitsuen babesleetako bat ere bihurtu da.

Lortutako babesletza-akordioari esker, Reale Seguros bihurtu da Donosti Cup 2020 erakundearen aseguru-etxe ofiziala, baita parte-hartzaile guztiak aseguratuko dituen konpainia ere. Gainera, berriz ere bere izena eramango duten B10 eta B11 kategorietako Sponsore espezifikoa izango da.

Donosti Cup erakundetik, beste urte batez eskerrak eman nahi dizkizuegu zuen laguntzagatik, eta aurtengo esperientzia aurreko edizioan bizitakoa bezain positiboa izatea opa dizuegu.

Eskerrik asko!