Baloia martxan da jada! Hasiera eman zaie lehen partidei
Lehen eguneko urduritasunak atzean utzita eta talde guztiak dagoeneko kokatuta, gaur hasi da lehen faseko norgehiagoka.
Atzotik sumatzen zen emozioa: kantak, ilusioa eta baloia martxan ikusteko gogoa. Giroa ez zen soilik Anoetan nabari, 500 taldek baino gehiagok akreditazio-gunea bisitatu zuten tokia; hiri osoak Donosti Cup arnasten du.
Lehen jardunaldiko partidak Gipuzkoa osoko 65 egoitza ofizialetan jokatuko dira, taldeentzako mugikortasuna eta txapelketaren garapena erraztu asmoz.
Talde-fase honetan ezinbestekoa izango da hasiera ona izatea, sailkapeneko postuetan izango baitu eragina azken faseko bidean.
Aurten ere izango dugu Fair Play saria, "Jokatu, Errespetatu, Ospatu" programaren baitan. Sari honek talde bakoitzaren kirol-jarrera baloratuko du (1etik 5era), jokalari, entrenatzaile eta zaleen artean, zelai barruan zein kanpoan errespetua eta joko garbia sustatzeko.
Gainera, partida guztiak streaming bidez jarraitu ahal izango dira donosticupplay.com webgunean eta SolidSport aplikazioan. Aukera paregabea munduko edozein txokotatik txapelketaren emozioa zuzenean bizitzeko.
