Bihar 10:00etan irekiko dira talde gipuzkoarrentzako izen-emateak

Bihar, 10:00etan, irekiko dira ofizialki uztailaren 6tik 12ra ospatuko den Donosti Cupen 34. edizioan parte hartu nahi duten talde gipuzkoarrentzako izen emateak.

Izena emateko, 10:00etan webgunko ETXEKO  TALDEAK atalean aktibatuko den formulario bat bete beharko da. Formulario horretan klubaren eta arduradunaren datuak, klub bakoitzak zein kategoriatan eman nahi duen izena eta parte-hartzaileen kopurua eskatuko dira. Inprimakia jaso ondoren, antolakuntzak inskripzioa baliozkotuko du eta lehen ordainketa egiteko argibideak bidaliko ditu.

Ikastetxeen kasuan, ikastetxearen beraren baimena eskatuko da inskripzioa egin ahal izateko. Era berean, gogorarazi nahi da ikastetxeetako taldeak lehen fasean beren izaera bereko taldeekin taldekatuko direla.

Guztira, etxeko 350 taldek eman ahal izango dute izena, mutilen bederatzi kategoriatan (B18, B16, B15, B14, B13, B12, B11, B10 eta B9) eta nesken bostetan (G18, G16, G14, G12 eta G10) banatuta. Klub bakoitzak gehienez ere 3 talde inskribatu ahal izango ditu gizonezkoen futbol-8ko kategorietan, 2 talde futbol-11ko kategorietan eta gehienez 4 talde emakumezkoen kategorietan; gehienez ere gizonezkoen 10 talde eta emakumezkoen 16 taldetara iritsi arte.

Aurtengo edizioan, helburu nagusietako bat da berriro ere emakumezkoen 200 talderen zifrara iristea, mugarri horrek emakumezkoen futbolak txapelketaren barruan izan duen hazkundea indarrean jarriz. Gaur egun, emakumezkoen 120 talde daude izena emanda, eta helburua lortzetik oso gertu dago.

Gainera, laugarren urtez jarraian, Donosti Cup - Rural Kutxa Beken deialdia egingo da, lurraldeko jokalarien parte-hartzea errazteko, parte-hartze kuotaren 65€ estaliz. Beka hauei buruzko informazio guztia web orriko “ETXEKO TALDEAK” atalean aurki daiteke.