Peru

Informazio orokorra

1.- My team info

Atal honetara erabiltzaile-zenbaki batekin eta pasahitzarekin sartzen da, eta klub bakoitzak bere inskripzioari buruzko informazio guztia ikusi ahal izango du. Garrantzitsua da klub bakoitzak ondo berrikustea izena eman duen kategoriak, egindako ordainketak eta ordaintzeke dauden kopuruak.

2.- Jokalariak inskribatzea

"My team info" atalean egin beharko da, ekainaren 15a baino lehen. Ekainaren 20ra arte aldaketak egin ahal izango dira (jokalari bat beste batekin ordezkatzea), baina data horretatik aurrera ez da onartuko ez altarik ez aldaketarik, parte-hartzaileen datuak asegurura bidali behar direlako eta talde bakoitzak eskumuturrekoak prestatzeko denbora nahikoa behar delako.

Parte-hartzaile batek bere klubeko talde batean baino gehiagotan jokatu behar badu, partida gehien jolastuko dituen taldean izena emanda egon beharko du, adinaren arabera. Inoiz ez da talde batean baino gehiagotan izena emanda egon behar, parte-hartzaile bakoitzak kode bat jasotzen baitu, eta arazoak egon litezke zigorrekin eta abarrekin.

3.- Informazio puntua

Reale Arenako beheko aldean egongo da (16. atetik sartuta). Uztailaren 3tik, astelehena, 9ra, igandea, zabalik egongo da 9: 00etatik 14: 00etara eta 15: 30etik 20: 00etara. Uztailaren 3an, astelehena, informazio-zentrala zabalik egongo da 9: 00etatik 21: 00etara, etenik gabe.

4.- Akreditzaio-zentroa

Reale Arenako hegoaldeko aparkalekuan egongo da. Uztailaren 1ean irekiko da, larunbata, 10: 00etatik 19: 00etara, Gipuzkoako taldeak akreditatzeko, eta uztailaren 3an, astelehena, 9: 00etatik 21: 00etara, Euskaditik kanpoko taldeak akreditatzeko.
 

5.- Adinaren kontrola

Txapelketa hasi aurretik, jokalari guztiek adinaren kontrola pasatu beharko dute. Horretarako, NANa, indarrean dagoen pasaportea edo federazio-fitxa aurkeztu beharko dute. Dokumentu horiek jatorrizkoak izan beharko dute beti; ez dira fotokopiak onartuko.

Behin adina egiaztatuta, parte-hartzaile bakoitzari eskumuturrean identifikazio-eskumuturreko bat jarriko zaio, jaiotza-urtea egiaztatzeko kolorearekin.

Edozein partida jokatu ahal izateko, finala barne, nahitaezkoa da eskumuturrean parte-hartzaile bakoitzaren adina egiaztatzen duen eskumuturrekoa eramatea. Eskumuturreko guztiak partida bakoitza hasi baino lehen egiaztatuko dira.

Jokalari bati eskumuturrekoa hautsiko balitzaio edo galduko balu, berriz ere egiaztatu beharko luke bere burua, bere adina egiaztatzen duen dokumentazio ofiziala berriro aurkeztuz, txapelketaren edozein egoitzatan eta ondoren 5 €ordaindu.  Haustura partida batean gertatzen bada, inolako kosturik gabe ordeztuko da.

6.- Istripu-asegurua

Parte-hartzaile guztiek istripu-aseguru pribatu bat izango dute, MAPFRE konpainiari kontratatua, lehiaketan zehar izan dezaketen edozein istripuren aurrean osasun-arreta barne. Istripu horietaz arduratuko diren ospitaleak Gipuzkoako Poliklinika eta Donostiako Quiron izango dira.

Babesle ofizialak

rural kutxa Joma Alfa Laval veo Carza quazzar

Bazkide instituzionalak

Euskadi Basque Country Muy Gipuzkoa Donostiako Udala Donostia Turismo CSD DEPORTE JOVEN UNVIERSO MUJER

Laguntzaile ofizialak

El Diario Vasco Real Sociedad Orona Coca Cola Insalus Ficoba Ausolan MONGO