1. - Zein taldek har dezakete parte?
Donosti Cup txapelketan parte hartu ahal izango dute futbol talde federatuek, Gipuzkoako Foru Aldundiak baimendutako futbol eskolek, teknifikazio akademiek, lurralde edo nazioko selekzio ofizialek, kirol kudeaketarako erakundeek eta ikastetxeek. Erakunde horiek legez eratuta egon behar dute eta inskripzioa egiteko unean IFZ bidali beharko dute atxikita. Beraz, ez da onartuko txapelketan parte hartzeko bakarrik osatutako talderik, baldin eta lehen aipatutako erakundeetako batekoak ez badira. Ikastetxeak izaera bereko ekipoekin bilduko dira lehenengo fasean.
2.- Zenbat ekipo inskribatu ahal izango ditu erakunde bakoitzak?
Partaidetza ahalik eta askotarikoena eta berdintasunezkoena izan dadin, arestian aipatutako erakunde bakoitzak genero bereko 10 talde inskribatu ahal izango ditu gehienez (maskulinoa edo femeninoa). Beraz, erakunde batek gehienez 20 talde inskribatu ahal izango ditu, baldin eta 10 talde gizonezkoak eta 10 emakumezkoak badira.
3.- Zenbat ekipo inskriba daitezke kategoria bakoitzean?
Erakunde bakoitzak gehienez 2 talde inskribatu ahal izango ditu F11 kategorietan, eta gehienez 3 talde F8 kategorietan. Guztira, ez du lehen aipatutako genero berdineko 10 taldeen muga gaindituko.
4.- Plaza mugatuak
Futbol zelaien kopuruaren arabera, antolakuntzak gehieneko kupo bat ezarri du parte hartzen duten taldeentzat, eta, behin kupo horretara iritsita, itxaron-zerrenda hasiz itxiko dira inskripzioak.
5.- Onartzeko eskubidea
Donosti Cup-ek onarpen-eskubidea gordetzen du, kiroltasunarekin eta bizikidetzarekin lotutako ataletan ezarritako arauak une oro betetzen direla bermatzeko.
6. Ordainketak egiteko epeak
Izen-ematea baieztatzeko 300,00 euroko aurrerakina egin behar da talde bakoitzeko 5 eguneko epean. Ordainketa hori aipatutako egunean jasotzen ez bada, erreserba ezeztatu egingo da. Aurrerakin hori kendu egingo da azken ordainketa egiterakoan. Azken ordainketa ekainaren 1a baino lehen egin beharko da.
7. Ordaintzeko modua
Ordainketak txapelketaren kontu ofizialera banku-transferentzia eginez egin beharko dira. Kontu horretako datuak txapelketaren inskripzio formala jaso eta baliozkotzen denean emango dira.
8. Ezeretze gastuak
Taldeko 300,00 euroko aurrerakina ez da itzulgarria. Ezeztapenak ekainaren 15a baino lehen gertatzen badira, ezeztatutako parte-hartzaile bakoitzeko % 50 zordunduko da. Parte-hartzaileak ekainaren 15etik aurrera bertan behera uzten badira, ezeztatutako parte-hartzaile bakoitzeko % 100 zordunduko da.
9. Dara garrantzitsuak
Izena emateko epea: apirilak 16
Aurrerakinaren ordainketa: 5 egun inskripzioa formalizatzen denetik
Azken ordainketa: Ekainaren 10a baino lehen
Teknikari eta jokalarien izen-ematea: Ekainaren 10a baino lehen
Akreditazioak ematea eta adinaren kontrola: Ekainak 29, larunbata
Txapelketaren hasiera: Uztailak 1, astelehena
Inaugurazio ekitaldia: Uztailak 2, asteartea
Finalak: Uztailak 6, larunbata, eta Uztailak 7, igandea
Txapelketaren amaiera: uztailaren 7an, 15:00etan